ਹਿਲੇਰੀ ਨੇ ਫੇਸਬੁੱਕ ਦੇ ਸੀਈਓ ਜ਼ਕਰਬਰਗ ਨੂੰ ਨਸੀਹਤ ਦਿੱਤੀ

ਨਿਊਯਾਰਕ – ਅਮਰੀਕਾ ਦੀ ਸਾਬਕਾ ਵਿਦੇਸ਼ ਮੰਤਰੀ ਹਿਲੇਰੀ ਕਲਿੰਟਨ ਨੇ ਫੇਸਬੁੱਕ ਦੇ ਸੀਈਓ ਮਾਰਕ ਜ਼ਕਰਬਰਗ ਨੂੰ ਨਸੀਹਤ ਦਿੱਤੀ ਹੈ ਕਿ ਫੇਸਬੁੱਕ ਰਾਜਸੀ ਲੋਕਾਂ ਤੋਂ ਇਸ਼ਤਿਹਾਰ ਹਾਸਲ ਕਰਨ ਤੋਂ ਪਹਿਲਾਂ ਇਨ੍ਹਾਂ ਦੇ ਤੱਥਾਂ ਦੀ ਪੜਚੋਲ ਕਰ ਲਿਆ ਕਰੇ ਤਾਂ ਜੋ ਝੂਠੀਆਂ ਖ਼ਬਰਾਂ ਦੀ ਬੁਰਾਈ ਤੋਂ ਬਚਿਆ ਜਾ ਸਕੇ। ਹਿਲੇਰੀ ਕਲਿੰਟਨ ਨੇ ਫੇਸਬੁੱਕ ਅਤੇ ਗੂਗਲ ਵਰਗੀਆਂ ਵੱਡੀਆ ਕੰਪਨੀਆਂ ਨੂੰ ਡਾਟਾ ਯੂਜ਼ਰਜ਼ ਨੂੰ ਗੁੰਮਰਾਹ ਕਰਨ ਤੋਂ ਬਚਾਉਣ ਦੇ ਲਈ ਦੇਸ਼ ਦਾ ਸੰਵਿਧਾਨ ਅਤੇ ਨਿਯਮਾਂਵਲੀ ਲਈ ਨਵੇਂ ਸਿਰੇ ਤੋਂ ਸਮੁੱਚਾ ਏਜੰਡਾ ਤਿਆਰ ਕਰਨ ’ਤੇ ਜ਼ੋਰ ਦਿੱਤਾ ਹੈ। ਇਹ ਪ੍ਰਗਟਾਵਾ ਹਿਲੇਰੀ ਕਲਿੰਟਨ ਨੇ ਨੈੱਟਫਲਿਕਸ ਦੀ ਦਸਤਾਵੇਜ਼ੀ ਫਿਲਮ ‘ਦਿ ਗ੍ਰੇਟ ਹੈਕ’ ਦੇਖਣ ਮੌਕੇ ਨਿਊਯਾਰਕ ਸਿਟੀ ਸਕਰੀਨਿੰਗ ਵਿੱਚ ਕੀਤਾ। ਉਨ੍ਹਾਂ ਕਿਹਾ ਕਿ ਸਾਡੀ ਸਾਰਿਆਂ ਲਈ ਇਹ ਸਮੱਸਿਆ ਹੈ ਕਿ ਅਸੀਂ ਇਸ ਬੁਰਾਈ ਦੇ ਨਾਲ ਲੜਨ ਦੇ ਬਹੁਤੇ ਸਮਰੱਥ ਨਹੀਂ ਹਾਂ।